Një person në gjendje të dehur ka qëlluar me armë zjarri mbrëmjen e 30 nëntorit. Ngjarja ka ndodhur në fshatin Brataj, në Selencië, dhe si pasojë është shpallur në kërkim autori i dyshuar, shtetasi A.F, 35 vjeç.
Për fat të mirë, policia ka konfirmuar se nuk ka pasur të lënduar. Ndërkohë janë ngritur pika kontrolli dhe po vazhdon operacioni për kapjen e autorit të dyshuar në zonë.
Njoftimi
Sot, rreth orës 21:05, në fshatin Brataj, Selenicë, gjatë një konflikti për motive të dobëta me shtetasin K. L., dyshohet se shtetasi A. F., rreth 53 vjeç, në gjendje të dehur, ka qëlluar me armë zjarri në ajër.
Nga verifikimet e bëra nga shërbimet e Policisë, nuk ka persona të dëmtuar.
Janë ngritur pika kontrolli dhe vijon krehja e zonës për kapjen e autorit të dyshuar.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
