SPAK ka hedhur poshtë deklaratat që lidhin viktimën e krimit të kryer mbrëmë në Ndroq, me një ngjarje të vitit 2020, që është në hetim nga ky institucion. Sipas SPAK, viktima nuk ka pasur lidhje me pengmarrjen dhe vrasjen e Jan Prengës, ngjarje që ndodhi në janar të vitit 2020, dhe emri i tij nuk figuron në listat e kompleksit "Golden" në Shijak, pronë e Altin Hajrit, i akuzuar për përfshirje në grupin e strukturuar kriminal.
Në njoftimin e SPAK thuhet se çështja ndaj Hajrit po gjykohet në Gjykatën e Posaçme, ndërsa Dritan Rexhepi, Gentjan Funiqi, Martin Bleta, Korado Kështenja, Artan Doçaj, Aldo Majnishta dhe Geraldo Martini janë të pandehur për veprat e tyre në këtë krim.
Reagimi i SPAK
Prokuroria e Posaçme kundër Korrupsionit dhe Krimit të Organizuar hedh poshtë deklaratat e pavërteta që e lidhin A.D, viktimën e krimit të kryer mbrëmë në Ndroq me një ngjarje që daton në vitin 2020, e cila hetohet prej saj.
Mbështetur mbi hetimet e kryera nga SPAK deri në këtë fazë, në kuadër të procedimit penal nr.60 të vitit 2020, personi i ekzekutuar mbrëmjen e djeshme, A.D nuk rezulton të jetë dëshmitar apo të kishte lidhje me pengmarrjen, ekzekutimin dhe fshehjen e trupit të viktimës Jan Prenga, ngjarje e ndodhur në Janar të vitit 2020. Emri i tij nuk rezulton të ketë qënë i përfshirë në listën e punonjësve apo dhe listëpagesat e kompleksit “Golden“, në Shijak, pronësi e Altin Hajrit, në kohën e kryerjes së krimit.
I pandehuri Altin Hajri, pronar i kompleksit “Golden” akuzohet si pjesëmarrës në grupin e strukturuar kriminal që ka kryer rrëmbimin e shtetasit Jan Prenga. Ai është në masë sigurimi “arrest me burg” në mungesë dhe çështja në ngarkim të tij po gjykohet në Gjykatën e Posaçme kundër Korrupsionit dhe Krimit të Organizuar.
Në gjykim janë Dritan Rexhepi dhe Gentjan Funiqi, të cilët kanë urdhëruar rrëmbimin e tij; Martin Bleta dhe Korado Kështenja që organizuan pengmarrjen ndërsa ekzekutimin Artan Doçaj, Aldo Majnishta dhe Geraldo Martini, të cilët e dërguan viktimën pas rrëmbimit, në kompleksin “Golden”.
Prokuroria e Posaçme kundër Korrupsionit dhe Krimit të Organizuar i ka drejtuar disa kërkesa zyrtare strukturave të policisë, si organi përgjegjes për ekzekutimin e masës së sigurisë ndaj
