Një shpërthim me tritol u regjistrua mëngjesin e së mërkurës në Lezhë. Burimet policore thanë se tritoli ishte vendosur në derën e zyrës noteriale të noterit Fran Gjoni, që ne qendër të qytetit pranë sheshit “Gjergj Kastrioti”.
Sipas burimeve policore nga shpërthimi ka vetëm dëme materiale.
Ndërsa kamerat e sigurisë kanë fokusuar dy persona që kanë vendosur lëndën plasëse dhe janë larguar.
“Rreth orës 04:00 jemi njoftuar se në qytetin e Lezhës, para derës së zyrës noteriale të shtetasit F. Gj, 57 vjeç, është hedhur një sasi e vogël lëndë eksplozive, e cila ka shpërthyer, duke shkaktuar dëme materiale", njoftoi policia.
Fran Gjoni është vëllai i Gjin Gjonit ish-gjyqtar i Apelit dhe që së fundmi i është bashkuar Partisë Demokratike. Ai është kreu i PD Lezhë.
