VNA raportoi pak ditë më parë që përmes familjarëve të tij, ish-ministri i Brendshëm Saimir Tahiri, ka shtrirë aktivitetin e tij edhe ne trasportin detar.
Kompania HTC e Fatlinda Tahirit zotëron 30% të kuotave të kompanisë ‘Albania Luxury Ferries' sh.p.k. e cila është pajisur me licencë për “Transport ndërkombëtar detar i mallrave dhe njerëzve”.
Aksionerë në këtë kompani janë edhe disa biznesmenë të tjerë, mes të cilëve Stefan Kolonja që zotëron 15 % të kuotave dhe Konstantinos Antiochos që zotëron 12.50 %.
Sipas një vëzhgimi të VNA, Stefan Kolonja, rezulton të jetë dënuar me 1999 nga autoritetet e drejtësisë greke me 7 vite burgim për cështje narkotikësh.
Në tetor të 2011, ndaj tij u hap një çështje e re penale nën dyshimet për mashtrim kriminal. Referuar mediave greke, ai dyshohej si organizator i një grupi kriminal që bleu qindra pajisje elektrike dhe elektronike me çeqe të falsifikuara. Pajisjet ua shiste personave të tretë. Referuar po mediave greke, rezultoi se magazina, ku u gjetën dhe sekuestruan produktet që dyshohet se rridhnin nga aktiviteti kriminal i Kolonjës dhe grupit të tij, ishte marrë me qira nga një oficer i Sigurimit të Shtetit.
Ortaku tjeter i Tahirit, Konstantinos Antiochos rezulton të ketë qenë deri në 2017 ortak Shpëtim Muhon. Ky I fundit, është babai i Eridon Muhos, i cili u arrestua së fundmi nga policia e Sarandës, pasi dyshohet se ishte bashkëpunëtor i Armandi Nelaj, në tentativën për të shkatërruar me tritol tragetin e “Finikas Lines”. Në kohë kur Armandi Nelaj u nis I veshur si polumbar për të vënë minën e telekomanduar në target, një mesazh “welcome grecce” që erdhi në telefononin e vendosur në minë, e aktivizoi atë dhe Armandi Nelaj nga shpërthimi u plagos rëndë e humbi jetën më pas në spital.
Përplasja për kontrollin e portit të Sarandës sa vjen e bëhet më e fortë, ndërsa licencat kryesisht fitohen nga njerëz të pushtetshëm të biznesit, e të politikës, sic është dhe rasti i familjarëve të ish-ministrit të brendshëm. Ky i fundit duket se nuk ndahet dot nga bashkëpunimi me botën e errët të bandave. Që nga kushërinjtë me audin e “famshëm”e deri tek bashkëpunimi për transportin detar, Saimir Tahiri nuk ndahet dot nga pasioni i tij për trasnportin dhe bandat.
