Në interpelancën me kryeministrin Rama, Gazment Bardhi hodhi akuza për emërimet që bën krimi dhe bandat në Shkodër për drejtorin e ri të Policisë Shkodër.
Duke iu referuar përgjimeve të Sky Ecc, Bardhi tha se bandat e Shkodrës komunikojnë deri në nivel ministri të Brendshëm, për të emëruar të besuarin e tyre në krye të Policisë së Shkodrës.
Fjala e Gazment Bardhit në seancë
Pasi ke qenë ekspert i inceneratorëve, ishe bërë ekspert i mbetjeve të rrezikshme. RAI të akuzoi se je i lidhur me krimin e organizuar. Si ta quajnë drejtorin e Policisë në Shkodër? Policinë ia ke dorëzuar krimit.
Si ta quajnë drejtorin e Policisë së Shkodrës?Kodi Pin i SKY ECC, DGLL XM: O vëlla, ka llafe për atë ministrin tënd të Brendshëm…Përgjiget kodi SKY:… Po, po kam frikë se s'e bën.…..Mua Mondi më duhet një dimër aty vëlla.
Mondi është drejtori aktual i policisë Shkodër, një muaj u emërua pasi ministri i Brendshëm është përfaqësues i bandave më të rrezikshme në vend. Për çfarë e akuzon opozitën, patjetër do japësh llogari?
Kur i ke dorëzuar shtetin krimit të organizuar dhe portin, policinë, edhe përgjegjësia i ka mbetur opozitës?! Këtij i hanë të tjerët dardha pas shpine, fajin e ka opozita që e baltos me aferat korruptive e ky s’ka asnjë përgjegjësi.
