Gjykata e Korçës ka lënë në burg Vahide Shulin, 37-vjeçaren nga Librazhdi, e akuzuar për ushtrim prostitucioni. Ajo dyshohet se ka qenë e përfshirë në ngjarjen tragjike, ku vetëm tre ditë më parë, në një mjet, u gjet i pajetë shtetasi 47-vjeçar Çelnik Malçellari.
Sipas policisë, Malçellari dhe Shuli kishin kryer marrëdhënie seksuale kundrejt pagesës, dhe ekspertiza mjekoligjore ka treguar se shkaku i vdekjes së tij ka qenë hipertensioni.
Viktima punonte në një Fast-Food në Korçë, ndërsa 37-vjeçarja jetonte me bashkëshortin e saj në një shtëpi me qira. Ata u takuan në një rrugë të qytetit, ku gjatë marrëdhënies seksuale, viktima ka shfaqur simptoma të rënda si të vjella dhe rrjedhje gjaku nga hundët, për shkak të gjendjes së tij shëndetësore.
Grupi hetimor ka analizuar telefonin e viktimës dhe ka zbuluar bisedën e fundit me Shulin, duke identifikuar atë si personin e pranishëm në mjet. Pas këtij identifikimi, Vahide Shuli u shoqërua në drejtori për të dhënë shpjegime lidhur me ngjarjen.
