Në një operacion të gjerë të policisë greke, ku morën pjesë edhe forcat speciale EKAM, u arrestuan 24 persona dhe 7 të tjerë u shpallën në kërkim. Në dosjen hetimore përfshihen 15 shtetas shqiptarë (njëri i vrarë), shtetas grekë, rusë, moldavë, gjeorgjianë dhe kinezë, të cilët vepronin në katër grupe kriminale.
Veprimtaria kriminale: Grupet ishin të angazhuara në trafik droge (marijuana dhe kokainë), shpërndarje të saj dhe pastrim parash. Ata transportonin drogë nga Shqipëria dhe Spanja drejt Greqisë dhe pastaj pastronin të ardhurat e paligjshme. Hetimet kanë zbuluar 106 episode kriminale, duke përfshirë trafikimin e 1.784 tonë marijuanë dhe 43.7 kg kokainë. Fitimet nga aktivitetet ilegale kapnin vlerën e 8.45 milionë euro.
Gjatë operacionit u zbuluan laboratorë droge dhe u sekuestruan:
9.5 kg marijuana (pjesërisht e tipit “Skunk”), 1.3 kg kokainë, 1450 bimë narkotike, armë, municione, mjete për përpunimin dhe paketimin e drogës.
Pasuri të tjera: 49 celularë, 4 laptopë, 3 tableta, mbi 30 automjete, 7 motorë, dhe rreth 475,300 euro.
Liderët dhe grupet kriminale:
Grupi “Grabocka-Salati”: Drejtohej nga Denis Grabocka dhe Andon Salati, shqiptarë.
Grupi “Aleksandër Sadikaj”: Drejtohej nga Sadikaj, i vrarë në Shqipëri më 2022.
Grupi “Aleksandro Pando”: Drejtohej nga Aleksandro Pando, shqiptar.
Grupi “Dhionisio Siountri”: Drejtohej nga shtetas grekë.
Të arrestuarit shqiptarë: Denis dhe Meriola Grabocka, Andon, Kostandin dhe Andrea Salati, Enea dhe Aleksandro Pando, Nikolla Pando, Ermal Loli, Armand Kola dhe Marjus Pashaj. Në kërkim janë Elson Hajredini dhe Viktorio Qytyku.
Policia greke konfirmoi se grupet kriminale udhëtonin me mjete luksoze dhe jetonin në banesa të shtrenjta, financuar nga aktivitetet ilegale. Hetimet vazhdojnë.
