Nga Ledjan Zeqollari
Një nga fotot që do ta veçoja
Titullohet "Një grua në Shqipëri duke thërrmuar kafe". Në fakt nga pamja e parë në foto, duhet të bëhet fjalë për përgatitjen e "kafesë" nga bima e elbit ose urovit. Në periudhën e dy luftrave botërore, por edhe më vonë, "kafeja" e nxjerrë nga bima e elbit ose urovit, është përdorur shumë ngaqë në Shqipëri ka pasur mungesë të theksuar të importit të kafesë së zakonshme.
Përgatitja e saj bëhej duke e pjekur pak elbin ose urovin dhe më pas shtypej si në foto. Pluhuri i krijuar përziej me ujë të ngrohtë dhe pak qumësht dhe konsumohej në vend të kafesë ose çajit. Interesante ishte se në zonat malore në Shqipëri, në periudhën deri vonë për thërrmimin elbit ose urovit përdoreshin gëzhojat e predhave të mbetura nga luftrat.
