Oriada Lazaj, infermiere në maternitetin Koço Gliozheni, bashkë me nënën e saj ishte duke udhëtuar nga Berati për në Tiranë. Në afërsi të QTU-së, autobusi del nga rruga dhe shoferi ndërron jetë në vend. Oriada, nëna e saj dhe 11 pasagjerë të tjerë mbetën të plagosur. Nënë e bijë janë transferuar për në Greqi, pasi të dyja kanë humbur njërën këmbë. Oriada, 26-vjeçare, rrezikon të humbasë edhe këmbën tjetër.
Nënë e bijë po iu nënshtrohen ndërhyrjeve kirurgjikale në Greqi, por familja nuk ka mundësi ekonomike.
Përmes një GoFundMe, Ornela Lazaj kërkon ndihmë nga shqiptarët për nënën dhe motrën.
“Ju lutem na ndihmoni t’u japim nënës dhe motrës sime mundësinë për të vazhduar luftën.
Çdo donacion, sado i vogël të jetë, i sjell ato një hap më afër një operacioni tjetër, një shansi tjetër dhe një hapi tjetër drejt rindërtimit të jetës së tyre.
Nëse nuk jeni në gjendje të dhuroni, ju lutem merrni në konsideratë ndarjen e historisë sonë. Një ndarje mund të arrijë tek dikush që është në gjendje të ndihmojë në ndryshimin e jetës së tyre përgjithmonë.
Nëse motra ime e ka kaluar jetën e saj duke u kujdesur për të huajt, sot po u kërkoj të huajve të ndihmojnë në shpëtimin e saj. Motra ime ia ka kushtuar jetën e saj kujdesit për foshnjat e porsalindura dhe mbështetjes së familjeve në disa nga momentet më të çmuara të jetës së tyre”, shkruan ajo.
Dhurimi juaj është më shumë sesa mbështetje financiare – është shpresë.
