Shqipëria do të sfidojë Ukrainën sonte në orën 20:45, në një ndeshje të rëndësishme për Nations League. Pavarësisht kushteve atmosferike të papërshtatshme, tifozët e kuqezinjve kanë krijuar një atmosferë elektrizuese në kryeqytet.
Me flamuj, këngë dhe kërcime, lojtari i 12-të ka nisur udhëtimin drejt Stadiumit Kombëtar, ku do të zhvillohet sfida e fundit e këtij kompeticioni. Gjatë gjithë edicionit, tifozët kanë mbështetur Shqipërinë, duke i dhënë një shtysë të madhe për të arritur rezultate pozitive.
