Rama msyn veriun. Këtë të shtunë kreu i qeverisë është shfaqur krah zëvendëskryeministren, Belinda Balluku, bashkë me Kryetarin e Bashkisë së Shkodrës, Benet Beci në inspektimin e punimeve në kantierin e Rrugës së Komanit. Një aks 31 km që lidh dy hidrocentralet, e që, sipas Ramës, do t’i japë një hov të ri turizmit të kësaj zone. Në vend që t'i përmbahet detyrës për të cilin është mandatuar, kryeministri iu ka kujtuar banorëve të kësaj zone që kjo rrugë po bëhet falë tij. "Kjo është bukuri e madhe dhe ju e dini më mirë sa vështirë të kalosh, por do të bëhet si të gjitha ato që kemi bërë”, u tha Rama banorëvë të zonës. Por veriorët të çuditur me praninë e kryeministrit në këto zona kanë ironizuar Ramën, duke i propozuar atij se duhet ti ngrihej një lapidar si ai që është vendosur në Kosovë për presidentin amerikan Bill Clinton. Banori: “Si ja ka bërë Kosova lapidarin Clinton-it, ju e meritoni”.... Rama: “Jo, jo... Do t'a lej amanet, për së gjalli jo e jo, se e kam në dorë vet, se është ndërtim pa leje, por edhe për së vdekuri...”. Batutat u shkëmbyen me një prej banorëve të pranishëm në inspektimin e kantierit në Rrugën e Komanit.
