Gjykata e Lartë ka rrëzuar rekursin e Ajola Xoxës, përmes të cilit kërkonte heqjen e sekuestros mbi një vilë në Qerret të Kavajës. Sipas SPAK, vila është në posedim të tërthortë nga çifti Ajola Xoxa-Erjon Veliaj dhe është përfituar prej tyre nga biznesmeni Gentian Sula.
Por Xoxa thotë se vila luksoze është blerë nga prindërit e saj dhe këmbëngul në heqjen e sekuestros. Pas rrëzimit të rekursit në gjykatën supreme, pritet që çështja të shkojë në Kushtetuese.
