Prokuroria zbërthen bisedat mes mjekëve dhe specialistëve të Onkologjikut, të cilët me qëllim përfitimin nuk jepnin shërbimin për pacientët e prekur me kancer, por i dërgonin ato në klinika private, ku qytetarët paguanin miliona, vetëm e vetëm të shpëtonin jetën.
Në një nga bidesat mes një personi të paidentifikuar dhe Dr.Ami Rea, bie në sy fakti se ata planifikonin pushime në Maldive me lekët që do siguronin nga kryerja e operacioneve të personave të prekur nga kanceri.
“Kape shtrengoje mondin nxirt leket thuaj!”, u shkruan personi që do ta identifikojmë në vijim me X.
Dr. Ami Rea i përgjigjet: Me majën e gishtit më hedh tutje ai. Si buldozer është!
X i shkruan: “Kap pushimet e tjera tani. Shih naj Tajlandë. Nuk shkon shumë, 1500 euro, 5 operacione kap brenda javës ti”.
“Kirurg më di ti mua. Ku e ke bërë matematikën ti vëlla. 5×5 sa bëjnë?”, i përgjigjet Dr. Ami Rea. Por X vijon: “llogarita 300 euro operacionin, jo 500. Për një javë bëhesh për Maldive ti atëherë”.
Këto biseda dëshmojnë se me jetën e qytetarëve është bërë biznes në QSUT dhe asnjëherë nuk është mbajtur përgjegjësi. Në rastin konkret përgjegjësia nuk mbetet vetëm tek disa mjekë, të cilët nuk mundet të veprojnë pa “bekimin” e instancave më të larta. Dhe kur përfshihet kupola, krimi nuk është i thjeshtë. Por duhet hetuar si grup kriminal.
