Derrick Lee Cardello-Smith, një i burgosur në Departamentin e Korrigjimeve të Miçiganit, ka ngritur një padi kundër Sean "Diddy" Combs, duke pretenduar një sulm seksual në vitin 1997 në një Holiday Inn në Detroit. Cardello-Smith wshtw shprehur se si dëshmitare duhet thirrur ish-e dashura e Diddy, Jennifer Lopez, 55 vjeçe.
Dokumentet e gjykatës të marra nga In Touch zbulojnë se Cardello-Smith beson se Jennifer Lopez - zotëron informacione kyçe në lidhje me sulmin e supozuar. Ai pretendon se marrëdhënia e saj me Diddy, e cila zgjati nga viti 1999 deri në vitin 2001, mund t'i japë njohuri mbi sjelljen e manjatit dhe sjelljen e pahijshme të supozuar.
Cardello-Smith, i cili punonte si banakier kur u takua për herë të parë me Diddy, tregoi se ishte ftuar në një festë private seksi nga reperi. Ai pretendon se Diddy i dha atij një pije, duke përmendur se ajo përmbante "diçka të fshehur". Cardello-Smith pretendon se ai humbi vetëdijen menjëherë pas kësaj dhe u zgjua kur Diddy ishte i përfshirë në akte seksuale me një grua. "Ai më pa dhe më tha, 'Të bëra edhe ty këtë!", pretendon Cardello-Smith në ankesën e tij.
Padia, duke kërkuar 400 milionë dollarë dëmshpërblim, është pritur me kundërshtim të ashpër nga ekipi ligjor i Diddy, i cili i quajti pretendimet "të pabaza". Ata argumentojnë se rasti është shumë përtej statutit të kufizimeve dhe i mbushur me mospërputhje, duke përfshirë vendndodhje kontradiktore për incidentin e supozuar në dosjet e Cardello-Smith.
Diddy, i cili kohët e fundit u deklarua i pafajshëm për akuzat e veçanta të trafikimit të seksit dhe shantazhit, i ka mohuar kategorikisht akuzat./Bordo
