Pas hetimeve të SPAK dhe marrjes si të pandehur nga ana e Prokurorisë së Posacme, Albina Mançka, ish-bashkëshortja e ish-zëvendëskryeministrit Arben Ahmetaj humbet vendin e punës.
Burime për VNA bënë me dije se dy muaj më parë, Mançka është larguar nga një bankë e nivelit të dytë ku punonte prej afro dy dekadash. Arsyet e largimit nuk bëhen me dijë, por burime te brendshme thonë se shkëputja e saj duket se erdhi për shkak të hetimeve të SPAK ndaj ish-bashkëshortit të saj, por edhe Manckës.
Nga hetimet e SPAK rezultoi se Ahmetaj, I cili ka mbajtur poste të rëndësishme në qeveritë Rama, ka përfituar rryshfet dhe dhurata, në formën e pagesave të udhëtimeve luksoze nga biznesmenët Mirel Mërtiri dhe Klodian Zoto, pronarët faktikë të inceneratorit të Tiranës. Bashkë me Ahmetajn, e pandehur është marrë edhe Mancka si dhe dy biznesmenët, Mërtiri e Zoto, të cilët ashtu sikurse edhe ish-zv.kryeministri janë në arrati. SPAK në kuadër të hetimit ka sekuestruar edhe një vilë luksoze në Palasë, një nga zonat elitare në bregdetin e jugut, në emër të shtetases E.D, por që sipas prokurorëve ishte pasuri e fshehur e ish gruas së Ahmetaj.
Ndërkohë ish zvkryeministri Arben Ahmetaj ndodhet në Zvicër ndërsa është shpallur në kërkim ndërkombëtar. Ai së bashke me partneren Eriola Hoxha dhe vajzën e tyre të mitur janë në pritje të miratimit të kërkesës për azil.
