“Një zë ndryshe në Parlament, nëse do të ishte mundësia të fitoj mandatin dhe të shpreh problemet për rendin dhe sigurinë në vend, si dhe Reformën në Drejtësi.” Kështu e cilëson kandidimin e tij për deputet me PD në qarkun e Durrësit ish-prokurori Arjan Ndoj.
Në një intervistë televizive, ish-prokurori i shkarkuar nga vettingu shprehet besimplotë për rëndësinë që ka sistemi i drejtësisë në Shqipëri. “Për mua, nuk është një reformë që ka të bëjë me emra, ka të bëjë me një reformë që ndryshon të gjithë sistemin,” tha zoti Ndoj, i cili disa vite më parë u përfshi në një përplasje mes grupeve kriminale, ku humbën jetën dy persona.
Arjan Ndoj është shkarkuar nga KPK gjatë procesit të vettingut. Ai nuk ka justifikuar pasurinë dhe, sipas KPK-së, ka kontakte me personazhe të botës së krimit. Për rrjedhojë, ai është shkarkuar në unanimitet nga anëtarët e trupës gjykuese.
