Aksidenti me 4 viktima në Fushë-Prezë, policia sjell reagim zyrtar. Viktimat rezultojnë të moshës 20-25 vjeç. Referuar dinamikës së ngjarjes, automjeti tip Benz është përplasur me një betoniere dhe ka shpërthyer në flakë, për pasojë të rinjtë kanë humbur jetën. Policia ka shoqëruar drejtuesin e betonieres për ta marrë në pyetje.
Viktimat e aksidentit në Fushë-Prezë: Enejdi Laçi, Andi Laçi, Erildi Laçi ,Enrikejd Kurti
Tiranë/Informacion paraprak
Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.
Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç, dhe dyshohet se është përplasur me automjetin betoniere të drejtuar nga shtetasi Aleksandër Krashi, 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit, E. L., 25 vjeç, dhe 3 pasagjerët në mjetin e tij: E. L., 20 vjeç, E. K., 24 vjeç dhe A. L., 22 vjeç.
Në vijim të veprimeve u shoqërua për veprime të mëtejshme drejtuesi i automjetit betoniere, shtetasi A. K., 24 vjeç.
Pamje nga aksidenti tragjik në Fushë Prezë
