Princi Harry dhe gjashtë paditës të tjerë mund të përballen me një faturë ligjore që arrin deri në 67 milionë dollarë, pasi humbën betejën shumëvjeçare në gjykatë kundër botuesit të tabloidit britanik Daily Mail.
Sipas avokates amerikane Nicole Brenecki, kostoja totale e procesit gjyqësor mund të arrijë në rreth 50 milionë paund (67 milionë dollarë), duke përfshirë të gjitha shpenzimet e çështjes dhe shtatë paditësit. Shuma që do të paguajë secili prej tyre pritet të përcaktohet në një seancë të veçantë.
Princi Harry e kishte ngritur padinë së bashku me emra të njohur, mes tyre Elton John, David Furnish dhe Elizabeth Hurley, duke akuzuar Associated Newspapers, botuesin e Daily Mail, për shkelje të privatësisë dhe mbledhje të paligjshme të informacioneve personale.
Vendimi përbën një tjetër goditje ligjore për Dukën e Sussex-it në përballjet e tij me median britanike, ndërsa mbetet për t’u përcaktuar se sa do të jetë detyrimi financiar i secilit prej paditësve.
