VNA ka mundur të sigurojë dosjen hetimore për ngjarjen tragjike në Athinë, ku 39-vjeçari Kastriot Cenko vrau bashkëshorten e tij Alba Cenkon për shkak të xhelozisë. Nga fotot që kanë shkrepur prokurorët e çështjes, shihet se çifti ka jetuar në kushte jo të mira, ndërsa aty kanë gjetur edhe çekiçin dhe qeset me të cilat 39-vjeçari e mbështolli bashkëshorten pasi e vrau dhe e fshehu për një javë në bodrum.
Pjesë nga dosja hetimore:
Në datën 5 dhjetor u shoqërua në polici Kstriot Cenko, 39 vjeç, i cili akuzohet për vrasje me dashje të bashkëshortes së tij, Alba Cenko. Ky i fundit ka pranuar se, pas një përleshjeje me gruan e tij në fund të muajit nëntor, e ka goditur me çekiç dhe e ka mbytur me një kabllo karikuesi. Më pas, trupi i gruas është mbështjellë dhe fshehur në bodrumin e apartamentit të tyre në Laconia, Athinë.
Në orën 17:50 të datës 5 dhjetor, policia ka marrë një telefonatë ku Kastriot Cenko ka njoftuar se kishte kryer vrasjen dhe e kishte fshehur trupin e gruas në bodrum. Policia ka arritur menjëherë në vendngjarje dhe ka gjetur trupin e pajetë Albës, i mbështjellë me materiale plastike dhe ngjitëse. Testet laboratorike dhe autopsia do të verifikojnë më tej shkaqet e vdekjes.
Fëmijët e mitur të çiftit, të moshës 9 dhe 12 vjeç, nuk kanë qenë të pranishëm gjatë ngjarjes. Ata janë marrë nën mbikëqyrjen e familjes së xhaxhait të tyre. Policia ka kërkuar vazhdimin e hetimeve dhe procedurat për ndjekjen penale ndaj 39-vjeçarit.
Në këtë moment, pritet që të zhvillohet një procedurë e plotë gjyqësore për këtë rast të rëndë kriminal.
