Tensionet janë rikthyer mbrëmjen e sotme përpara Kryeministrisë, ku mijëra të rinj dhe qytetarë janë grumbulluar duke kërkuar largimin e menjëhershëm të kryeministrit Edi Rama.
Situata është përshkallëzuar pas ndërhyrjes së forcave të policisë, të cilat kanë përdorur gaz lotsjellës, plumba gome dhe ujë me presion për të shpërndarë protestuesit.
Sipas raportimeve nga vendngjarja, policia ka aktivizuar tre autobotë me ujë, ndërsa sasi të mëdha gazi lotsjellës janë hedhur në drejtim të turmës së mbledhur përpara godinës së qeverisë.
Pavarësisht ndërhyrjes policore, protestuesit kanë vijuar të qëndrojnë në zonën përreth Kryeministrisë, duke këmbëngulur në kërkesën për largimin e Ramës.
Përplasjet e kësaj mbrëmjeje shënojnë një tjetër episod tensioni në protestat që prej tetë ditësh kanë përfshirë kryeqytetin.
