Kryeministri Edi Rama ka përsëritur edhe këtë të mërkurë ftesën për dialog me studentët dhe pedagogët, të cilët prej ditësh vijojnë protestat dhe refuzojnë të ulen në bisedime me kreun e qeverisë.
Ndërkohë, përpara godinës së Kryeministrisë vijon të qëndrojë sofra e gurtë, e vendosur prej disa ditësh si simbol i ftesës për dialog, së bashku me etiketat që mbajnë të njëjtin mesazh.
Megjithatë, për më shumë se një javë, studentët dhe pedagogët kanë refuzuar ftesat e përsëritura të Ramës, duke deklaruar se nuk shohin arsye për të zhvilluar bisedime me kryeministrin.
