Pas disa minutash përplasjesh me policinë në sheshin “Skënderbej”, ku u përdor gaz lotsjellës dhe, sipas raportimeve, plumba plastikë, protestuesit janë nisur sërish drejt Kryeministrisë.
Tensionet në shesh u shoqëruan me ndërhyrjen e forcave policore për shpërndarjen e turmës, ndërsa protestuesit vijuan lëvizjen nëpër rrugët e kryeqytetit, duke u rikthyer drejt godinës së qeverisë.
Ndërkohë, bëhet e ditur se Kryeministria është marrë në mbrojtje nga forcat speciale RENEA, në kuadër të masave të shtuara të sigurisë përreth institucionit.
Protesta vijon mes tensioneve dhe përplasjeve me policinë, ndërsa godina e Kryeministrisë mbetet një nga pikat kryesore ku po përqendrohen protestuesit.
