Pas grumbullimit përpara Ministrisë së Arsimit, studentët dhe qytetarët protestues kanë nisur marshimin drejt Kryeministrisë në Tiranë, duke vijuar për të 14-ën ditë radhazi protestën kundër qeverisë.
Të rinjtë, të cilët prej gati dy javësh kërkojnë dorëheqjen e kryeministrit Edi Rama, janë larguar nga ambientet e Ministrisë së Arsimit për të vijuar protestën përpara selisë së qeverisë.
Marshimi vjen pas disa ditësh protestash të shoqëruara me tensione dhe përplasje mes protestuesve dhe forcave të policisë.
Pavarësisht incidenteve të regjistruara gjatë ditëve të fundit, studentët dhe qytetarët vijojnë mobilizimin, duke mbajtur të pandryshuar kërkesën e tyre për largimin e kryeministrit dhe ndryshime në qeverisjen e vendit.
