Prezenca e OSBE në Shqipëri ka reaguar për protestat e studentëve, duke mirëpritur mesazhin e Presidentit Bajram Begaj dhe duke u vetëofruar për të lehtësuar dialogun mes palëve, ndonëse nuk bëhet e ditur nëse i është kërkuar ndërhyrja e saj.
Përmes një reagimi publik, OSBE-ja i bashkohet thirrjes për qetësi dhe dialog gjithëpërfshirës, duke shprehur gatishmërinë për të ndihmuar në lehtësimin e komunikimit mes palëve, nëse një gjë e tillë kërkohet. Qëndrimi i organizatës ndërkombëtare vjen në një moment kur protestat dhe përplasjet kanë vënë nën presion qeverinë e Edi Ramës, ndërsa thirrjet institucionale për uljen e tensioneve po marrin gjithnjë e më shumë vëmendje.
‘Prezenca e OSBE-së në Shqipëri mirëpret mesazhin e sotëm të Presidentit Begaj. Ne i bashkohemi thirrjes për qetësi dhe dialog gjithëpërfshirës dhe jemi të gatshëm të ndihmojmë në lehtësimin e një dialogu të tillë, nëse na kërkohet’ thotw OSBE.
Duke mbështetur mesazhin e Presidentit Begaj dhe duke u vetëofruar për të lehtësuar dialogun, OSBE-ja rreshtohet në krah të thirrjeve institucionale që kërkojnë qetësi, në një moment kur kryeministri Edi Rama përballet me protestat dhe kritikat e protestuesve. Megjithatë, në reagim nuk sqarohet nëse është kërkuar zyrtarisht ndërmjetësimi i OSBE-së nga palët e përfshira, apo nëse oferta vjen me nismën e vetë organizatës.
