Ndërsa institucionet shtetërore vazhdojnë të heqin paratë nga fondi rezervë i buxhetit të shtetit për të shpëtuar dështimet e mega-eventeve private, siç ishte rasti i njohur ku qeveria i akordoi urgjentisht 4 milionë euro nga taksat e shqiptarëve koncertit problematik të Kanye West me arsyetimin e "mbrojtjes së imazhit", tregu i vërtetë privat po tregon një realitet krejt tjetër.
Ndryshe nga promovimet qeveritare që kërkojnë miliona euro injeksion financiar, komediani i njohur Max Amini ka arritur një rekord absolut në Tiranë pa i kërkuar asnjë qindarkë ndihmë apo dhuratë Ministrisë së Kulturës dhe Blendi Gonxhes.
Madje pa asnjë postim promovues nga asnjë zyrtar.
I ardhur fillimisht për vetëm 1 shfaqje në Tiranë, kërkesa e jashtëzakonshme bëri që artisti të shpallë me shpejtësi datat e tjera, duke arritur në plot 7 shfaqje në Pallatin e Kongreseve. Të gjitha shfaqjet janë thuajse të shitura tërësisht që në ditët e para të njoftimit, duke gjeneruar një shifër mbresëlënëse prej rreth 2 milionë eurosh nga shitja e biletave.
Ky kontrast i fortë tregon se kur një aktivitet është vërtet i kërkuar nga publiku, nuk ka nevojë për 4 milionë euro "shpëtim" nga paratë e emergjencës publike, por mjafton vetëm skena dhe spektakli i vërtetë.
Shfaqjet do të mbahen nga dy në natë më 27, 28 dhe 29 nëntor, dhe e shtata i shpall për në 1 dhjetor.
