Kuvendi i Kosovës nuk arriti të konstituohet për herë të dytë, pasi seanca u ndërpre për shkak të mungesës së dakordësisë mes partive politike për votimin e raportit të Komisionit për Mandate.
Kryesuesi i seancës, Avni Dehari, njoftoi se një pjesë e përfaqësuesve të subjekteve politike e braktisën konsultimin dhe se nuk pati dakordësi për të votuar raportin. Seanca e radhës është caktuar për më 19 prill 2025, ora 12:00.
Nga ana tjetër, Albin Kurti nuk ju përgjigj interesit të gazetarëve për sigurimin e mandateve për formimin e qeverisë, pasi Lëvizja Vetëvendosje (LVV) e udhëhequr nga ai, fitoi 48 nga 120 vendet në Kuvend, duke mos arritur shumicën e nevojshme për të formuar qeverinë e re.
Kurti ka filluar bisedimet me partitë e pakicave për të siguruar mbështetjen e nevojshme, por deri më tani nuk ka arritur të sigurojë shumicën e nevojshme prej 61 votash për të formuar kabinetin e ri qeveritar .
Në një deklaratë të mëparshme, Kurti theksoi se qytetarët presin nga LVV-ja, si fituese e zgjedhjeve, të formojë institucionet e reja sa më shpejt të jetë e mundur .
Nëse nuk arrihet formimi i qeverisë së re, vendi mund të shkojë drejt zgjedhjeve të parakohshme
