Zëvendësministrja për Punët e Jashtme e Republikës së Greqisë, znj. Alexandra Papadopoulou, theksoi gjatë një takimi me anëtarët e Komisionit për Perspektivat e Zgjerimit të Bashkimit Europian se çështja “Beleri” nuk është harruar.
Ajo e cilësoi këtë çështje si diçka më shumë se një problem dypalësh mes Greqisë dhe Shqipërisë, duke e lidhur ngushtë me perspektivën e anëtarësimit të Shqipërisë në BE.
“Çështja e Belerit ka të bëjë me respektimin e shtetit ligjor dhe të drejtave themelore të njeriut. Ne i themi Shqipërisë se duhet të respektojë të drejtat e njeriut dhe kjo do të kontrollohet”, u shpreh Papadopoulou.
