Policia ka arrestuar dy persona në Sarandë dhe Vlorë pasi akuzohen se shisnin lëndë narkotike.
Mësohet se 33-vjeçari me inicialet E.Z. u arrestua në Sarandë, pasi posedonte në banesën e tij lëndë narkotike, të cilat i shiste me doza nëpër lokalet e natës në Sarandë. U sekuestruan edhe 80 doza kokaine, dy peshore elektronike dhe shuma parash të dyshuara të përfituara nga kjo veprimtari kriminale.
Ndërsa 43-vjeçari me inicialet E.V. në Vlorë shiste në lokalin e tij lëndë narkotike. Policia i sekuestroi dhjetëra doza kokaine dhe kanabisi, një thikë dhe shuma parash të dyshuara të përfituara nga kjo veprimtari kriminale.
