Moderatorja e njohur Arbana Osmani publikoi episodin e parë të emisionit të saj të ri “Mirëmbrëma yje” në llogarinë zyrtare të YouTube. Episodi i parë pati si të ftuar dy artistë shumë të dashur për publikun shqiptar, Alban Skënderaj dhe Ledri Vula. Të dy ata u përfshinë në biseda të sinqerta dhe personale, duke ndarë momente dhe histori të veçanta nga jeta e tyre.
Episodi, i cili pritej me padurim nga fansat e Arbanës dhe të ftuarve të saj, shënoi sukses të menjëhershëm. “Mirëmbrëma yje” ka vendosur rekord klikimesh që në ditën e parë të publikimit, duke dëshmuar se interesi për emisionin ishte jashtëzakonisht i madh. Fansat kanë mbushur seksionin e komenteve me vlerësime dhe përgëzime për formatin dhe atmosferën intime të bisedave.
