Gjykata e Apelit ka ndryshuar masën e sigurisë për një prej punonjësve të sigurisë private të arrestuar pas përplasjeve me protestuesit në Zvërnec, më 29 maj. Gazmend Vathi, i cili ishte lënë në burg nga Gjykata e Vlorës, do të vijojë masën “arrest në shtëpi”, ndërsa për Artur Granin Apeli la në fuqi masën “arrest në burg”.
Ndërkohë, vijon shqyrtimi i ankimit për pronarin e kompanisë “Major Security”, Geraldo Biba. Përplasjet në Zvërnec u shoqëruan me reagime të forta publike, pasi një qytetar u tërhoq zvarrë nga forcat e sigurisë private, në prani të efektivëve të Policisë së Shtetit, ndërsa ndaj protestuesve u përdor edhe spraj piper.
Ngjarja solli shkarkimin nga detyra të drejtorit të Policisë së Vlorës, Elidon Çela, ndërsa më pas në zonë nisën një seri protestash që vijojnë ende.
