Tre persona kanë mbetur të plagosur pas një aksidenti automobilistik të rëndë që ka ndodhur mbrëmjen e kësaj të mërkure në zonën e Kasharit.
Dy nga të plagosurit janë transportuar menjëherë në spital për ndihmë mjekësore, ndërsa gjendja e tyre raportohet të jetë e rëndë.
Forcat e policisë dhe zjarrfikësve kanë mbërritur në vendngjarje dhe po punojnë për të zbardhur shkaqet e aksidentit dhe për të siguruar lëvizjen e sigurt të trafikut në zonë.
