Ish-deputeti socialdemokrat Tom Doshi i sanksionuar non grata nga Shtetet e Bashkuara të Amerikës është përfshirë në një konflikt për cështje pronësie.
Për këtë arsye është proceduar nga Policia e Shkodrës për veprën penale dëmtime të tjera me dashje. Doshi është konfliktuar me dy vëllezër në Velipojë dhe gjatë incidentit Prek Molla ka pësuar lëndime.
Tom Doshi nuk hyri në parlament edhe pse u zgjodh deputet në zgjedhjet parlamentare të 25 prillit 2021.
Njoftimi i policisë
Velipojë
Specialistët për Hetimin e Krimit në Stacionin e Policisë Velipojë, bazuar në kallëzimet e bëra nga vëllezërit L.M e P.M, proceduan penalisht shtetasin T. D., 58 vjeç, për vepren penale “Demtime të tjera me dashje”.
Mbasditen e djeshme, në rrugën “Ibiza”, në fshatin Rrjollë, Velipojë, shtetasi T. D, është konfliktuar dyshohet për motive pronësie me shtetasit L. M., 65 vjeç dhe P. M., 58 vjeç, ( vëllezër). Si pasojë e konfliktit shtetasi P. M., 58 vjeç pësoi dëmtime të lehta fizike.
Vijon puna për identifikimin e dy personave të tjetër të përfshirë në këtë konflikt si dhe për dokumentimin e plotë ligjor të rastit
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për vepren penale “Demtime të tjera me dashje”.
