Pas më shumë se një dekade, Kukësi rikthehet në Kategorinë e Parë. Verilindorët, kampionë të Shqipërisë në sezonin 2016-2017, dy herë fitues të Kupës së Shqipërisë dhe një herë fitues të Superkupës, edicionin e ardhshëm do të luajnë në nivelin e dytë të futbollit shqiptar.
Rënia një kategori më poshtë dukej e sigurt prej disa javësh, por ishte matematika që u mbante shpresat verilindorëve që tw qwndronin në Superiore. Dhe me rotacionin e gjerë që kishte bërë Devolli, Teuta e kishte shumë të thjeshtë të dominote e kërkonte me ngulm golin për të fituar sfidën.
Daci në pjesën e parë dhe në fund Boçi me penallti, siguruan shifrat 2-0 për durrsakët dhe dekretuan rënien e Kukësit.
Ndërkohë, vetë skuadra durrsake luan në javët e mbetura për të shmangur vendin e 8, atë që të çon në play-out për mbijetesën në elitë.
