Aleksander Bobovnikov 57 vjeç është vënë në prangat e policisë shqiptare në Rinas.
Shtetasi rus ishte në kërkim nga shteti rus për veprën penale të mashtrimit.
I njohur për qëndrimet e tij kundër Putinit, ai ishte ndaluar në Itali, por gjykata italiane e ka refuzuar ekstradimin.
Bobovnikov hyri në Shqipëri me disa miq gjermanë pasi kishte festuar ditëlindjen me ta në vendin europian.
Bobovnikov është me profesion neurokirurg. Ai kundershton luftën në Ukrainë.
Rinas
Ndalohet në hyrje të Shqipërisë, në PKK Rinas, për t'u ekstraduar në Rusi, një 57-vjeçar rus, i kërkuar nga Interpol Moska, për mashtrim.
Si rezultat i verifikimeve dhe intervistimeve të detajuara që kryhen nga Policia Kufitare e Rinasit, në hyrje dhe në dalje të vendit, për të parandaluar lëvizjen ilegale të shtetasve të shpallur në kërkim kombëtar ose ndërkombëtar, si dhe pas shkëmbimit të informacionit ndërmjet Interpol Tiranës dhe Interpol Moskës, u ndalua në hyrje të Shqipërisë, shtetasi rus, i kërkuar ndërkombëtarisht, A. B., 57 vjeç, banues në Izrael.
57-vjeçari akuzohet nga autoritetet ruse, për mashtrim.
Vijon bashkëpunimi me homologët, për ekstradimin e shtetasit A. B., në Rusi.
