Pas pensionimit të Cristiano Ronaldos nga futbolli ndërkombëtar, Portugalia pritet të ketë një kapitën të ri, ndërsa Jorge Jesus ka bërë të ditur pesë emrat që mund të marrin përsipër këtë përgjegjësi. Sipas përzgjedhësit portugez, përcaktimi i kapitenit nuk bëhet mbi bazën e preferencës personale të trajnerit, por duke iu referuar numrit të paraqitjeve me fanellën e kombëtares.
“Lojtari me më së shumti paraqitje ndërkombëtare pas Cristianos është Bernardo Silva”, deklaroi Jesus gjatë një konference për media. Përveç mesfushorit të Manchester Cityt, në listën e kandidatëve ai përfshiu edhe Bruno Fernandes, Ruben Dias, Joao Cancelo dhe Ruben Neves.
Bernardo Silva kryeson këtë renditje me 115 ndeshje të zhvilluara për Portugalinë. Pas tij vjen Bruno Fernandes me 97 paraqitje, ndërsa Ruben Dias numëron 84, Joao Cancelo 77 dhe Ruben Neves 73 ndeshje me përfaqësuesen.
Një tjetër detaj i veçantë që zbuloi Jorge Jesus është se të pestë futbollistët kanë qenë më parë nën drejtimin e tij në nivel klubesh. Kështu, pas largimit të Ronaldos, Portugalia duket se do t’ia besojë udhëheqjen e skuadrës një prej lojtarëve më me përvojë të brezit aktual.
