Gjykata e Lartë vulos vendimin për Izet Haxhiajn, ish-truprojën e ish-kryeministrit Sali Berisha duke e cilësuar fajtor dhe dënuar me 21 vite burgim për vrasjen e ish-deputetit demokrat Azem Hajdari në shtator të 1998.
Haxhiaj e kundërshtoi vendimin në gjykatën supreme, por kolegji penal vendosi mospranimin e rekursit, çka do të thotë se ai do të duhet të qëndrojë në qeli për më shumë se dy dekada.
Pas shumë vitesh në arrati, ish-truproja e Berishës u arrestua në Turqi, por atje mundi të fitonte statusin e azilantit. Më vonë, vendosi të kthehej në Shqipëri dhe bëri kërkesë për rihpajen e dosjes “Hajdari” e konsideruar si dosja e shekullit. Pavarësisht betejës që bëri me drejtësinë , ai nuk ia doli dot të fitonte pafajësinë , sikurse pretendonte. Azem Hajdari u qëllua për vdekje bashkë me truprojën sapo doli nga selia e Partisë Demokratike. Izet Haxhiaj ka akuzuar Sali Berishën për implikim ne vrasjen e tij.
