Deputeti Agron Shehaj ka depozituar sot një kërkesë zyrtare për interpelancë me Kryeministrin Edi Rama, duke vënë në shënjestër atë që ai e konsideron si një prej kontratave më problematike të infrastrukturës shqiptare.
Kësaj radhe, beteja është për "Gener 2", menaxhon aksin e ri rrugor dhe për pronarin e saj, Shehaj ka pasur akuza të vazhdueshme.
Në shkresën drejtuar Kryetarit të Kuvendit, Niko Peleshi, Shehaj kërkon llogari specifike për atë që ai e quan "fryrje" të afateve të koncesionit.
"Cila është arsyeja e zgjatjes së këtij koncensioni, nga 13 vjet i kërkuar nga oferta e pakërkuar, në 35 vite nga ana e Qeverisë?" – është një prej pikave ku deputeti kërkon përgjigje nga Rama.
"A ka llogaritur ministria e Transporteve se cili është raporti mes investimit dhe fitimit të kompanisë përgjatë 35 viteve të operimit të aksit Thumanë-Kashar?"
Shqetësimi i Shehajt nuk ndalet vetëm te aksi aktual. Ai ngre alarmin se ky model, i cili po rezulton tejet fitimprurës për koncesionarin dhe i kushtueshëm për qytetarët (të cilët paguajnë tarifën e kalimit), mund të kthehet në standard për gjithë Korridorin Blu.
Në kërkesën e tij, ai drejton pyetjen që prek planet e ardhshme të infrastrukturës:
"A do të përdorni të njëjtin model me akset e tjera, nga Kashari në Fier apo Thumanë-Balldren?"
Tashmë topi është në fushën e Kryeministrit Rama, i cili pritet që si zakonisht, të injorojë këtë kërkesë.
