Në një botë të fiksuar pas rinisë, ekspertët thonë se është koha të mësojmë të kujdesemi për lëkurën – duke pranuar natyrshëm edhe shenjat e moshës. Lëkura, organi ynë më i madh dhe më i dukshëm, fillon të plaket që nga momenti kur lindim. Ndaj dhe industria e produkteve kundër plakjes ka arritur në 52 miliardë dollarë në vitin 2024 dhe parashikohet të shkojë në 80 miliardë deri në vitin 2030.
Si ndryshon lëkura me kalimin e viteve
Sipas George Murphy, profesor në Harvard Medical School, lëkura është një barrierë jetike që na mbron nga infeksionet, rrezet UV, temperaturat dhe dëmtimet fizike. Por me moshën, kolagjeni bie, qelizat rigjenerohen më ngadalë dhe lëkura bëhet më e hollë, më e thatë dhe më pak elastike. Kjo sjell rrudha, njolla të errëta, lëkurë të varur dhe ndryshime në strukturën e fytyrës – si zbritja e hundës, hollimi i buzëve dhe formimi i “jowls”.
Pse është e vështirë të pranosh fytyrën që plaket
Plakja e fytyrës ndikon edhe emocionalisht. Studimet tregojnë se presioni për të dukur të rinj është më i fortë te gratë, për shkak të standardeve kulturore të bukurisë që favorizojnë pamjen rinore. Shumë gra shohin rrudhat si “simbol nderi”, por një pjesë tjetër zgjedhin trajtime estetike për t’u ndier më të vlefshme, për të ruajtur vetëbesimin apo për të shmangur diskriminimin në punë.
Edhe burrat po përjetojnë rritje të pakënaqësisë me pamjen me kalimin e moshës, duke shtuar numrin e procedurave si lifting i fytyrës apo injeksione anti-rrudhë.
Kujdesi ndaj lëkurës që ndihmon ta pranoni më lehtë plakjen
Ekspertët këshillojnë:
•shmangie të ekspozimit të tepërt në diell
•hidratim dhe pastrim të rregullt të lëkurës
•dietë të shëndetshme të pasur me vitamina dhe omega
menaxhim të stresit, aktivitet fizik dhe lidhje sociale të forta
Këto përmirësojnë jo vetëm lëkurën, por edhe mirëqenien emocionale.
Si ta përqafoni më lehtë fytyrën që ndryshon
Psikoterapistja Carolyn Karoll sugjeron të zbutim dialogun e brendshëm kritik:
“Po shoh që fytyra ime po ndryshon – dhe kjo është pjesë e të qenit gjallë.”
Pranimi nuk do të thotë të duash çdo ndryshim, por të mos luftosh realitetin. Pyetja kyçe, sipas saj, është:
Kush dua të jem teksa plaket? Çfarë dua të komunikojë prania ime? Fokusimi te vlerat dhe mënyra si jetojmë, e jo te çdo rrudhë, e bën plakjen diçka që e banojmë – jo që e luftojmë.
Apo siç thoshte Shekspiri:
“Me gëzim dhe të qeshura le të vijnë rrudhat.”
