Kryeministri britanik Sir Keir Starmer ka refuzuar të shprehet nëse veprimi ushtarak i Shteteve të Bashkuara në Venezuelë ka shkelur apo jo të drejtën ndërkombëtare, duke thënë se po pret të sqarohen të gjitha faktet.
Në një intervistë për emisionin “Sunday with Laura Kuenssberg” në BBC, Starmer nuk i dënoi sulmet amerikane dhe theksoi se, megjithëse është “një mbrojtës i përjetshëm i së drejtës ndërkombëtare”, nuk do t’i shmanget kësaj çështjeje sapo të ketë një pasqyrë të plotë të situatës.
Ai bëri të ditur se Mbretëria e Bashkuar nuk ka qenë e përfshirë në operacion dhe se nuk ka zhvilluar bisedime me presidentin amerikan Donald Trump lidhur me këtë ndërhyrje.
Më vonë gjatë së shtunës, Starmer reagoi përmes një postimi në platformën X, ku deklaroi se Mbretëria e Bashkuar “e konsideron Maduron si një president jolegjitim” dhe se “nuk derdh asnjë lot për fundin e regjimit të tij”.
“Qeveria britanike do ta diskutojë situatën në zhvillim me partnerët amerikanë në ditët në vijim, ndërsa synojmë një tranzicion të sigurt dhe paqësor drejt një qeverie legjitime që pasqyron vullnetin e popullit venezuelian”, theksoi kryeministri britanik.
