Duket se paqja e marrveshjes Bardhi- Rama ja ka lënë vendin zhurmnajës së zakonshme të seancave plenare. Pas përplasjeve për çështjen e Olsi Ramës, duket se qetësia e rinisur pas amnistisë sqë arritur mes foltores dhe socialistëve ishte pika kulminante e paqes, apo pazarit siç e konsideron pjesa tjetër e PD. Në fakt, dukshëm me sulmet e fundit ndaj të vëllait dhe kronikës së Rai3, Rama e ka humbur disi qetësine dhe batutat tallëse tashmë ja kanë lënë vendin një përballje më të fortë. Kjo e reflektua dhe në seancën e së hënës. Ku Elisa Spiropali, ndryshe nga qeshjet në duet me deputetet e Foltores, sot kishte veshur kostumin e përhershëm te avokatit pa kushte të Ramës. Edhe pse batutat e saj të mësuara përmendsh, ne fakt nuk ja zbehën zellin Gaz Bardhit të rimarrë protagonizmin në çdo temë të diskutuar. Burime brenda mazhoranxës thonë se Rama është tejet i bezdisur dhe i zemëruar me sulmet ndaj tij dhe Olsit si dhe me programin e Rai3, ku padyshim gjurmët e kryetarit të grupit parlamentar të PD dhe segmenteve të Foltores së Sali Berishës as janë munduar të fshehin gjurmët. Por a do të vijojë të zbatohet dhe më tej marrveshja e arritur nga Gaz Bardhi? E ardhmja duket pak e paqartë po të marrësh parasysh se për reformën zgjedhore, megjithë përpjeket e Gjiknurit dhe Bylykbashit, koha nuk premton. Aq më tepër që PS duket e qartë se nuk ka ndërmend të ndryshojë gjë dhe vendin në komisionin bipartizan ja la Bylykbashit për ti bërë qejfin Berishës dhe për ti gjetur një punë Oerdit i cili pas bashkimit të Gaz Bardhit me Foltores ishte mbeti jashtë orbitës së politikës së ditës. Po kaq e paqartë duket dhe e ardhmja për çështjen e vulës së PD, për të cilën të gjithë palët e interesuara brenda PD-së e dinë se fijet luhen nga një dorë brenda selisë së qeverisë. Ajo që dihet me siguri qshtë që Rama mbetet njeriu më i interesuar për amullinë brenda opozitës. Ndaj nuk është për t’u habitur qe shumë shpejt, Rama të ndryshojë kursin e bashkëpunimit për ti dhënë një mësim foltores si për ti kujtuar se ai ende e ka në dorë rubinetin e të ardhurave me të cilat Rithemelimi prej gati 3 vitesh vijon të prodhojë zhurmë më shumë se politikë./ D.M
