Avokati i ish kryeministrit Sali Berisha, Sokol Mëngjesi është goditur me grushta në mes të ish-bllokut nga persona të panjohur.
Policia ka nisur hetimet për ngjarjen, ndërkohë që avokati Sokol Mëngjesi po merr ndihmë mjekësore në spital.
Njoftim paraprak i Policisë së Shtetit
Sot, rreth orës 08:50, në zonën e ish-Bllokut në Tiranë, persona ende të paidentifikuar kanë goditur shtetasin S. M., me profesion avokat.
I dëmtuari është dërguar menjëherë në spital për dhënien e ndihmës mjekësore dhe ndodhet nën kujdesin e mjekëve.
Gjendja e tij shëndetësore është normale.
Drejtoria Vendore e Policisë Tiranë dhe strukturat e Policisë së Shtetit janë angazhuar për identifikimin dhe kapjen e autorëve.
