Këtë të martë u zhvilluan ndeshjet e para të xhiros së tretë të fazës së grupeve të Champions League. Real Madrid arriti një përmbysje të jashtëzakonshme në Bernabeu ndaj Dortmundit, duke fituar 5-2. Edhe pse verdhezinjtë shënuan me Malen dhe Gittens, kampionët e Europës u rikthyen me golat e Rudiger dhe Vinicius. Goli i Lucas në minutat e fundit i dha triumfin Realit, ndërsa Vinicius vulosi fatin e ndeshjes me golin e tij të tretë.
Në ndeshjet e tjera, Juventus pësoi një humbje 0-1 në Torino nga Stutgarti, ndërsa PSG dhe PSV ndanë pikët me një barazim 1-1. Skuadrat angleze patën një mbrëmje të suksesshme, me Arsenal që kaloi 1-0 Shakhtarin dhe Aston Villa që mundi Bolognan me rezultatin 2-0.
