Sekretar për Çështjet Ligjore dhe Zgjedhore në PD, Indrit Sefa, referuar dosjes së SPAK, tha se na rezulton që një deputet që ka votuar edhe për reformën në drejtësi, na porosiste vrasje.
Sefa tha se nuk mund të kalohet si diçka normale kjo që thuhet në dosjen e SPAK, pasi kemi deputetë të PS që porosisin vrasje.
“Nëse nuk do të ishte ligji i dekriminalizimit, këta do ishin ende deputetë. Referuar pjesës së dosjes ku zbardhet plani i Rrajave për vrasjen e Arben Ndokës, Sefa tha se kemi të bëjmë me dy ish-deputetë që organizojnë plane për vrasje. Kjo tregon vullnetin e mazhorancës, këta janë njerëzit që drejtonin banda dhe u futën në Parlament si deputetë, sepse këtë vullnet ka kjo mazhorancë” - tha Sefa.
