Aksidentoi me vdekje një 2-vjeçar, arrestohet një 58-vjeçar i dyshuar. Sipas policisë aksidenti ka ndodhur në Fushë Domje dhe jo në Kamzë siç u raportua fillimisht. Njoftimi Në vijim të informacionit paraprak të dhënë pak më parë ju bëjmë me dije se; Falë veprimeve të shpejta procedurale dhe hetimore, shërbimet e Policisë kanë bërë të mundur identifikimin dhe kapjen e drejtuesit të automjetit, që aksidentoi me pasojë vdekjen e dy vjeçarit. Drejtuesi i automjetit, shtetasi Y. M., 58 vjeç, është shoqëruar në Komisariat për veprime të metejshme procedurale. Gjithashtu, është bërë gjetja dhe sekuestrimi i automjetit tip “Benz”me të cilin ky shtetas shkaktoi aksidentin. Nga verifikimet ka rezultuar se aksidenti ka ndodhur në Fushë Domje dhe jo në Kamëz. Punohet për sqarimin e plotë e rrethanave dhe shkakut të aksidentit.
