Një operacion policor në Itali ka rikthyer në duart e autoriteteve tre vepra të disa prej emrave më të mëdhenj të artit europian.
Pikturat e Pierre-Auguste Renoir, Paul Cézanne dhe Henri Matisse, me një vlerë të kombinuar prej mbi 9 milionë eurosh, ishin vjedhur në muajin mars nga muzeu i Fondacionit Magnani Rocca në Mamiano.
Më 14 gusht, policia italiane njoftoi se veprat ishin gjetur dhe rikuperuar.
Vjedhja kishte shkaktuar shqetësim të madh për shkak të rëndësisë së autorëve. Cézanne konsiderohet një nga figurat që hapën rrugën drejt artit modern, Renoir një prej emrave kryesorë të impresionizmit, ndërsa Matisse një nga artistët më me ndikim të shekullit XX.
Fotografitë e publikuara pas operacionit tregojnë oficerët e karabinierëve pranë tri pikturave të rikuperuara.
Rikthimi i veprave është veçanërisht i rëndësishëm sepse tregu ilegal i artit mbetet një industri ndërkombëtare dhe veprat e famshme mund të zhduken për vite të tëra pas vjedhjes.
Këtë herë, pas vetëm pesë muajsh, tri kryeveprat janë përsëri në duart e autoriteteve.
