Deklaratat dhe sulmet e kryeminsitrit Edi Rama ndaj SPAK kanë sjellë edhe reagimin e Diasporës për Shqipërinë e Lirë. Në një deklaratë për mediat, Diaspora e quan antikishtuese ndërhyrjen e Ramës dhe kërkon nga SPAK dhe institucionet e tjera të drejtësisë që të hetojnë kreun e qeverisë. Një reagim dhe distancim nga deklaratat i'a kërkojnë presidentit Bajram Bega, si dhe trupës diplomatike të ShBA- ve dhe BE në Tiranë. Deklarata DPSHL dënon me ashpërsinë më të madhe ndërhyrjet e vazhdueshme dhe të papranueshme të Kryeministrit të Shqipërisë, Edi Rama, në sistemin e drejtësisë, të cilat shkelin Kushtetutën e Republikës së Shqipërisë, parimet e shtetit të së drejtës, dhe minon një herë e përgjithmonë ëndrrën Evropiane të Shqiperise dhe shqiptarëve. Kryeministri ka bërë dhe vazhdon të bëjë deklarata të paprecedenta në historinë demokratike të shtetit shqiptar, duke tentuar të ushtrojë presion mbi organet e drejtësisë dhe të mbrojë individë të përfshirë në hetime apo të dënuar. Kërkesat Urgjente të DPSHL: • I bëjmë thirrje Presidentit të Republikës që të mbrojë Kushtetutën dhe të dënojë publikisht ndërhyrjet e Kryeministrit në drejtësi. • I kërkojmë SPAK të shqyrtojë deklaratat dhe veprimet e Kryeministrit dhe të marrë masat ligjore për çdo ndërhyrje të paligjshme në drejtësi. • Këshilli i Lartë Gjyqësor (KLGJ) dhe Këshilli i Lartë i Prokurorisë (KLP) të dalin me një deklaratë të qartë kundër ndërhyrjeve politike në drejtësi. • Delegacioni i BE-së dhe Ambasada e SHBA të monitorojnë nga afër situatën dhe të kërkojnë respektimin e parimeve demokratike dhe të shtetit të së drejtës.
