Partia Demokratike është në fazën finale të negociatave me aleatët për ndarjen e kuotave në listën e kandidatëve për zgjedhjet e 11 majit. Kreu i opozitës, Sali Berisha, deklaroi nga selia blu se bisedimet po vijojnë dhe se aleatët do të kenë përfaqësim në listën zgjedhore.
"Sigurisht që aleatët do të kenë kandidatë. Kjo kuotë ka ekzistuar gjithmonë dhe do të ekzistojë. Negociatat janë ende në proces dhe rezultati përfundimtar do të bëhet publik," u shpreh Berisha.
Sipas tij, kriteri kryesor për përzgjedhjen e kandidatëve do të jetë rekordi elektoral i secilit subjekt politik në koalicion. "Koalicioni ndërtohet mbi bazën e një performance elektorale dhe ky parim nuk mund të shkelet," theksoi ai.
Burime pranë PD-së bëjnë me dije se negociatat me partitë e vogla vijojnë.
