Gjatë komunikimit me qytetarët në rubrikën “Sy më sy” në Facebook, Kryeministri Edi Rama komentoi zhvillimet e fundit mbi materialet e publikuara në media, ku pretendohet për një përplasje mes prokurorit të SPAK dhe Kryetarit të Bashkisë së Tiranës, Erion Veliaj.
Rama theksoi se SPAK është krijuar nga vullneti i Partisë Socialiste, por theksoi rëndësinë e respektit ndaj çdo individi që merret në pyetje. Ai nënvizoi se pavarësia e SPAK duhet të shoqërohet me profesionalizëm dhe integritet, në mënyrë që drejtësia të jetë e barabartë për të gjithë.
“Ka të bëjë me respektin për tjetrin me respektin për prezuminin e pafajësisë, me respektin për këdo qoftë që bëhet pjesë e një procesi hetimi, qoftë edhe që pyetet si një person që mund të dijë diçka sepse cilido qoftë është i barabartë me këdo qoftë aty te stacioni i trenit dhe kushdo qoftë aty te stacioni i trenit që merr në pyetje cilindo, duhet ta ketë̈ parasysh se duhet ta respektojë, këtu do kemi një problem të madh, shumë të madh, te mungesa e respektit dhe te mungesa e vlerësimit bazik të të drejtës dhe lirisë kushtetuese të gjithsecilit që të ndihet I barabartë nën qiellin e kësaj republike përballë kujtdo që përfaqëson shtetin”, komentoi Rama
