Champions League starton mbrëmjen e sotm sezonin e ri 2024-2025. Starti kësaj radhe është i dyfishtë, pasi fillon edhe formati i ri që do të aplikohet për herë të parë nga UEFA.
Ndryshe nga herët e tjera në këtë edicion marrin pjesë 36 skuadra, duke formuar një mini-kampionat, ku vetëm 8 ekipet me renditjen më të mirë do të kualifikohen automatikisht në fazën e 16 më të mirave, ndërkohë që 16 skuadra të tjera do të luajnë më pas fazën Play Off.
Sonte në mbrëmje do të jenë këto përballje:
18:45 - Juventus vs PSV Eindhoven
18:45 - Young Boys vs Aston Villa
21:00 - AC Milan – Liverpool
21:00 - Bayern Munich vs Dinamo Zagreb
21:00 - Real Madrid vs VfB Stuttgart
21:00 - Sporting CP vs Lille
Juventus-PSV dhe Young Boys-Aston Villa do të jenë ketë ndeshja që do të hap siparin e përballjeve. Skuadra e Motta-s me shumë lojtarë të rinj synon ta nis me fitore kundër holandezëve, që po kalojnë një sezon fantastik me 5 fitore në 5 ndeshje në kampionat.
Një përballje interesante do të jetë edhe Milan-Liverpool. “The Reds” janë disi më të favorizuar, pasi po kalojnë një sezon më pozitiv, ndërkohë që Fonseca, kërkon të bëjë befasinë. Ndërsa Real Madrid nuk pritet të ketë shumë probleme kundër Stuttgardit, ndërkohë që Bayerni do të sfidojë Dinamo Kiev.
