Shqipëria ka mposhtur Andorën me rezultatin e thellë 3-0 në Air Albania, duke shënuar kështu fitoren e parë në këtë fushatë eliminatoresh.
Ashtu siç dhe pritej, Shqipëria e dominoi sfidën duke e nisur në mënyrën më të mirë të mundshme. Takimi u zhbllokua në minutën e 9 pas një goditje dënimi nga e djathta e krosuar në mënyrë pefekte nga Asllani, shfrytëzohet nga sulmuesi Rey Manaj që me kokë e çon topin në rrjetë, për golin e avantazhit.
10 minuta më pas erdhi edhe goli i dytë, pas një aksioni të përkyer, me Brojën që merr një top nga e djathta, driblon kundërshtarët e më pas vendos të pasojë tek Rey Manaj, me sulmuesin që goditi saktë në portën e kundërshtarëve.
Avantazh i dyfishtë brenda 20 minutash lojë që u jep lojtarëve të Sylvinhos qetësinë dhe besimin e duhur, me fraksionin e parë që mbyllet me shifrat 2-0.
Në pjesën e dytë ritmi nuk do të ndryshoi, me kuqezinjtë që dominuan në lojë duke kontrolluar topin, ndërsa Andorra përpiqet të mos pësojë gola të tjerë.
Pas disa tentativave, goli i tretë do vinte në limitet e kohës në minutën e 92, ku Uzuni u shfaq në pozicionin e duhur para portës së Andorës për të çuar në rrjetë krosimin e Hoxhës. Me shifrat 3-0 Shqipëria siguron fitoren e parë në këto eleminatore, ndërsa e radhës është ndeshja e qershorit e shumëpritura Shqipëri-Serbi.
